Z үеийнхний хуримтлал сарын зарлагаасаа бага байгааг Bank of America-ийн тайлан харууллаа
Хуримтлал-зарлагын харьцаагаар Z үеийнхэн бүх үеэс доогуур. Гэхдээ тэд тэтгэврийн хуримтлалаа өмнөх үеүүдээс эрт эхэлж байгаа нь эсрэг чиглэлийн сонирхолтой дохио.
Бичсэн Mulen Battulga
Хуримтлал-зарлагын харьцаагаар Z үеийнхэн хамгийн доогуур. Зураг: itsmulen
Bank of America Institute-ийн наймдугаар сарын тайланд Z үеийнхний санхүүгийн байдлыг бусад үетэй харьцуулсан байна. Гол дүр зураг эерэг биш: хуримтлал-зарлагын медиан харьцаагаар Z үеийнхэн бүх үеэс доогуур бөгөөд хуримтлагдсан хадгаламжийн медиан үлдэгдэл нь сарын медиан зарлагаасаа бага байна.
Гэхдээ тайланд эсрэг чиглэлийн нэг дохио бий: Z үеийнхэн тэтгэврийн хуримтлалаа өмнөх үеүүдээс эрт эхэлж байна.
Зарлагын талаас нэг зүйл онцлон гарч ирсэн нь аялал. Z үеийнхний аялалд зарцуулсан зардал зургадугаар сар хүртэлх хугацаанд жилийн өмнөхөөс 8.5 хувиар өсч, бүх үеийн дунджаас (ойролцоогоор 7 хувь) хурдан өссөн байна. Зочид буудлын зардал 2025 оны тавдугаар сараас хойш тогтмол өсч байгаа ч гүйлгээний тоо харьцангуй тогтвортой байгаа нь илүү их аялж байгаагаас илүү үнэ өссөнийг илэрхийлж болзошгүй гэж тайланд дурджээ.
Монголын залуучуудын хувьд шууд харьцуулах өгөгдөл байхгүй ч зарлагын бүтэц төстэй тал бий.